Frjálsíþróttamót 3. apríl!!!

Rangæingamót í frjálsum verður haldið á Hvolsvelli þriðjudaginn 3. apríl.

Keppt er í eftirfarandi flokkum og greinum:

6-7 ára, 8-9 ára og 10 ára keppa í spretthlaupi, langstökki án atrennu og skutlukasti.

Eldri flokkar upp að 10. bekk keppa í spretthlaupi, langstökki, kúluvarpi og hástökki.

Við treystum á foreldra að hjálpa okkur, það þarf að keyra krakkana og við þurfum líka einhverja sem vilja starfa, taka tíma, mæla köst eða stökkog svo framvegis.

Mikilvægt er að mæta tímanlega en keppni hefst á slaginu kl. 16.00. Gott að krakkarnir hafi tíma ti að hita upp fyrst. Að lokinni keppni er boðið upp á grillaðar pylsur og safa. Áætluð mótslok eru um kl. 18.30.

Mætum sem allra flest og skemmtum okkur með krökkunum okkar :)

Kveðja, Halli Gísli.

Breytingar á stjórn eftir aðalfund

Aðalfundur Garps var haldinn á öskudaginn 22. febrúar á Laugalandi, hvatt var í auglýsingu að koma í búningum og af þeim sökum var skemmtilegur og léttur blær á aðalfundinm. 

Kosningar fóru þannig að Harpa Rún Krstjánsdóttir er áfram formaður og Herdís Styrkárdóttir ritari, Friðgerður Guðnadóttir tók við embætti gjaldkera af Guðrúnu A. Óttarsdóttur sem hefur gegnt því embætti í 3 ár. Meðstjórnendur eru Jóhanna Hlöðversdóttir, Kristinn Guðnason og Guðrún A. Óttarsdóttir. Varamenn: Margrét Heiða Stefánsdóttir og Margrét Rún Guðjónsdóttir og Karen Engilberts. Fulltrúi nenemda var kosinn Sigþór Helgason. Skoðunarmenn eru áfram Hannes Ólafsson og Helga Fjóla Guðnadóttir og til vara Þórhalla Gísladóttir.