Garpar ársins 2009

Minnum á að afreksmenn Garps verða heiðraðir á páskabingóinu í kvöld !!  

Garpur óskar öllum "Görpum" gleðilegra páska og hlakkar til að hitta ykkur eldhress á æfingum eftir páska :-)

 

p.s.: helst ekki borða yfir ykkur af páskaeggjum........!!

Frjálsíþróttamót á mánudag!!

Nú þurfum við að sýna og sanna að við getum brugðist hratt við!

Ég fékk símtal frá Dímonarmönnum í gærkvöldi og þeir ætla að halda fjölþrautarmót í frjálsum á mánudaginn klukkan 4! Þeir vita náttúrlega hvað við erum góð og ætla að láta okkur vita svona seint svo við komumst kannski ekki :) Nei ég er nú að grínast en við þurfum samt að sýna að við getum skipulagt okkur hratt.

Þetta mót er bara fyrir 5.-10. bekk. Greinar verða venjulegar, hástökk, kúla, langstökk án atrennu og þrístökk án atrennu. Hugsanlega spretthlaup líka. Allir fá skjal með sínum árangri og stigahæstu í hverjum flokki fá líka einhver verðlaun. Svo verður grill á eftir í boði Dímonar. Krakkar, ef þið sjáið þetta, mörg ykkar hafa verið á svona móti áður og þið vitið hvernig þetta virkar. Byrjað kl. 16.00 og búið kannski hálf sjö eða sjö.

Enn og aftur, allir þurfa að hjálpa til í þessu. Þeir sem vita af mótinu þurfa að láta sína félaga vita. Guðni nær í 5. og 6. bekk í dag og þau vita þetta en eldra liðið má ekki gleymast. Því nú viljum við auðvitað fá allan stóra hópinn sem hefur mætt á æfingar undanfarið,þetta er fínt tækifæri til að prófa að keppa!!

Við ætlum að biðja foreldra að keyra og svo væri auðvitað frábært ef einhverjir vildu vera starfsmenn. Ef einhverja vantar far geta þeir hringt í mig (8969539) og við finnum út úr því. En það þarf einhverja foreldra líka ef við verðum 20 eða fleiri sem alveg gæti gerst.

Koma nú krakkar!! Fjölmennum og sýnum þeim í Dímon að við erum á tánum! Og auðvitað miklu flottara lið en þau :)

Kveðja Halli Gísli

 

 

Tilkynning!!

Sæl öll.

Þar sem salurinn á Laugalandi er upptekinn næsta þriðjudag ákváðum við að frjálsíþróttaæfingin falli niður í næstu viku. Hugmyndir voru um að halda hana á fimmtudagskvöldið í staðinn en þá er sameiginleg árshátíð skólanna haldin á Laugalandi svo það gengur heldur ekki. Næsta æfing verður því þriðjudaginn 30. mars. Sjáumst þá!

Kveðja, þjálfarar.

Úrslit af frjálsíþróttamótinu á Selfossi 7. mars

Garpar stóðu sig vel á frjálsíþróttamótinu sem var á Selfossi þann 7. mars, föngulegum hópur þar á ferð og flestir í nýjum bolum og göllum.  Við áttum marga "Garpa" í 1-3 sæti. Í 30m spretthlaupi stúlkna vermdi Garpur öll fyrstu sætin og 2 sæti í 10 ára og yngri og 9 ára og yngri. Í langstökki án atrennu hjá 9 ára hnátum og yngri áttum við hjá Garpi 2. sæti og 1. og 3. sæti í 10 ára og yngri stúlkna. Í skutlukasti 9 ára hnáta áttum við 2 sæti.  Nánar um úrslit má finna á http://mot.fri.is/cgi-bin/ibmot/media/vmot1349.htm

ÁFRAM GARPUR !!

Meistaramót í frjálsum!

Meistaramót 11-14 ára í frjálsum verður haldið í Laugardalshöll um helgina. Nú eiga allir keppendur Garps að hafa fengið miða með öllum helstu upplýsingum. Það verður rúta frá Selfossi á laugardagsmorguninn, gisting í Laugarnesskóla um nóttina og rúta á Selfoss aftur á sunnudaginn.

Garpur á heila níu keppendur á mótinu. Í flokki 11 ára keppa Fanney Ósk, Guðbjörg Viðja og Rakel Ingibjörg. Í flokki 12 ára keppa Sigrún Birna, Sigríður Áslaug, Margrét Heiða og Sigurður Smári. Og í flokki 13 ára keppa Margrét Rún og Eyþór Trausti.

Jóhanna Þorbjörg ætlar að fylgja hópnum fyrir hönd Garps.

Krakkar, við skulum öll hugsa til ykkar um helgina, gangi ykkur frábærlega vel og reynið að gera ykkar besta! Hvet alla til að senda kveðjur til ykkar hér inná síðuna. Þið eruð langflottust :)

Halli Gísli

Fundargerð aðalfundar Garps 21.02.2010

Aðalfundur Garps 21.02.2010 að Laugalandi

 Fundarstjóri: Jóhanna Hlöðversdóttir

Fundarritari: Herdís Styrkársdóttir 

Jóhanna setti fundinn og bauð fundargesti velkomna.

1.       Skýrsla Stjórnar: Jóhanna fór yfir skýrslu formans ásamt skýrslum þjálfara. Haraldur Gísli fór yfir frjálsíþróttaskýrslu. Sumaræfingar ræddar en ekki var mikil þátttaka á þeim æfingum en hún er mikil í vetur. Góð þátttaka hefur verið á innansýslu mótum og þau hafa heppnast mjög vel.  Haraldur Gísli lýsti yfir mikilli ánægju með þátttöku foreldra sem felst m.a. í akstri á mót og aðstoð á þeim. Kristinn sagði frá því hvað hefði verið að gerast í glímunni en mikill áhugi hefur verið á henni.  Keppendur frá Garpi tóku þátt í þremur mótum og stóðu sig með prýði.    

2.       Ársreikningur Guðrún fór yfir  ársreikning Garps en lítillegt tap hefur verið á rekstri félagsins í ár.  Ógreiddur um áramót er styrkur frá Rangárþingi Ytra vegna ársins 2009. Einnig vantaði styrk frá Ásahreppi vegna ársins 2009 en beiðni hefur nýlega verði send til Ásahrepps varðandi það. Tap af sölu íþróttagalla var um 80,000,- (aðallega vegna systkinaafsláttar) og ógreiddir gallar eru 112.300,-  og er það mjög miður að merktir gallar fáist ekki greiddir.  Þjálfunarkostnaður hefur aukist mikið síðustu 2 ár og munar þar mestu um akstur þjálfara.  Styrkur frá velunnara Garps, Guðna á Þverlæk, nam rúmlega 500,000,- og er stór hluti af þess að Garpur hefur getað boðið gjaldfrjálsar æfingar.  

3.       Kosning stjórnar Hörpu falið að finna nemanda úr Laugalandsskóla í stjórn Garps sem yrði fulltrúi iðkennda. Jóhanna fór yfir hvað felst í starfi formanns Garps . Stjórn Garps bauð upp á nýliðun í stjórn félagsins. Í stjórn félagsins árið 2010 sitja:

Formaður: Jóhanna Hlöðversdóttir

Gjaldkeri: Guðrún Arnbjörg Óttarsdóttir

Ritari: Herdís Styrkársdóttir

Meðstj.: Margrét Harpa Jónsdóttir, Karen Engilbertsdóttir, Óðinn Burkni Helgason.   Þjálfarar hafa rétt til fundarsetu með málfrelsi og tillögurétt.  

4.       Önnur mál

·         Sameining Aðalfundur Garps haldinn að Laugalandi 21. Febrúar 2010  samþykkti samhljóða eftirfarandi ályktun. : Mikil ánægja hefur verið með störf Garps. Boðið hefur verið upp á átta mismunandi íþróttagreinar.  Æfingar eru mjög vel sóttar bæði í samfellu við skóladag nemenda og á kvöldin. Er það stór liður í félagslífi nemenda  sem sækja æfingarnar  með gleði yfir því að hitta félaga sína í skemmtilegu íþróttastarfi. Félagið er vel rekið.  Garpur hefur sýnt vilja til samstarfs með sameiginlegum æfingum með öðrum félögum í sveitarfélaginu en aðsókn hefur verið dræm. Aðalfundur sér ekki ávinning af því fyrir Garp að sameinast öðrum félögum.  

·         Rætt um enn meiri þátttöku foreldra á frjálsíþróttaæfingum t.d. með því að  vera sjálfboðaliðar á æfingum. Með því mætti spara þjálfunarkostnað  og/eða jafnvel fjölga æfingum. Hugmynd um að útbúa lista yfir foreldra sem gætu hugsað sér að taka þátt.

·         Rætt um fjáröflunaraðferðir fyrir Garp þar sem krakkarnir myndu leggja sitt af mörkum.

·         Stjórn Garps gerir þá kröfu til þjálfara Garps að þjálfarar skrái hjá sér og skili inn til stjórnar fjölda iðkennda og keppenda á hverri æfingu.

·         Stefnt verður einnig að því að lækka aksturskostnað vegna þjálfunar.

·         Rætt um að stofna einhverskonar netsíðu þar sem skráðar verða upplýsingar frá þjálfurum og fleira.

·         Harpa Rún hefur áhuga á að setja upp leiksýningu með Görpurum til fjáröflunar.

Fundi slitið kl 22.30

Áfram Garpur!!

Sæl öll. Það var fín æfing í kvöld í frjálsunum. Ég skráði niður 10 keppendur á héraðsleikana á sunnudaginn. Það eru Íris Þóra, Sigurlín, Brimrún Eir, Dagný Rós, Jóhanna Sigrún, Jónína, Þóra Björg, Sóley, Hildur og Halla Þórdís. Strákar! Hvar eruði??!!  En svo það sé á hreinu þá má skrá keppendur fram á fimmtudagskvöld!! Við þjálfararnir ætlum að reyna að mæta öll og vonandi verða allir í stíl í Garpsgalla eða bol og stríðsmálaðir. Einhverja vantaði samt boli og þarf að reyna að bjarga því fyrir sunnudag. Það lítur vel út með akstur, verum bara í sambandi svo allir verði öruggir með far. Þeir sem vilja skrá sig geta hringt beint í mig í síma 8969539 eða talað við Guðna fyrir fimmtudagskvöld.

Fjölmennum á mót, málum Selfoss bláan og skemmtum okkur frábærlega!!:)

Halli Gísli.

Héraðsleikar í frjálsum

Sælir krakkar og forráðamenn!

 Halli Gísli bað mig að minna ykkur á að mæta vel á æfingu á morgun. Framundan næstu helgi eru Héraðsleikar HSK á Selfossi og þá ætla Garpar að fjölmenna. Það er því nauðsynlegt að mæta vel á morgun og 

 ekki er verra að hafa foreldrana með :-)

Því auðvitað þarf einhverja til að keyra allan hópinn!

Mætum svo vel á næstu æfingar því Badminton mót og Blak mót verður einnig í mánuðinum.

Guðni þjálfari

MINNI Á AÐ ÍRÞÓTTAGALLARNIR ERU KOMNIR !!!

 

Vinsamlega sækið gallana í Giljatang 3 til Guðrúnar. Gallarnir afhentir gegn staðgreiðslu eða gegn kvittun fyrir innborgun. Ef greiðsla berst inn á reikning vinsamlega setjið nafn barns í tilvísun og kvittun á netfagnið [e-mail]. Get einnig komið greiddum göllum í skólann ef vill.

 

kv

Guðrún

gsm: 897 4884