Glíma

Jæja gott fólk!

 Gott að sjá svona síðu í gangi sem auðveldar samskipti frá Garpi og til Garpa.

Mig langaði aðeins að koma inn á glímumál Garps sem hafa verið í deiglunni undanfarið. Farið hefur verið að tvö mót og tveir bikarar komið til baka auk þess sem árangur einstaklinga er góður. Við eigum grunnskólameistara á Suðurlandi sem og HSK meistara sem er flottur árangur. Glímumótunum er ekki lokið og framundan er grunnskólamót Íslands í Glímu sem haldið verður í Reykjavík í apríl. Áhugi krakkanna er til staðar og nú er um að gera að mæta á æfingar á fimmtudögum og æfa 2-3 ný brögð hjá Kristni því andstæðingarnir verða erfiðari á grunnskólamóti Íslands.

 Framundan í apríl er einnig blakmót HSK, bæði krakkablakmót og svo unglingamót og stefnir Garpur á að senda krakka á mótið sem væntanlega verður haldið á Hvolsvelli. Við ætlum því að leggja áherslu á blak næstu mánudaga og undirbúa okkur undir átökin.

 Sjáumst hress á æfingum! 

Guðni þjálfari

Garpsgallar

Nýja sendingin af Garpsgöllunum er komin og verða gallarnir afhentir foreldrum og forráðamönnum hjá Guðrúnu í Giljatanga 3.

Verð á göllunum er 7500,- fyrir galla sem eru undir 158 cm og 8500,- fyrir galla sem eru yfir 158 cm. 

Gallarnir verða afhentir gegn staðgreiðslu eða kvittun fyrir innborgun á reikning Garps 0308-26-1717 kt: 430893-2389.

Einnig hægt að fá Garpsboli á 1500,- kr :-)  

Með bestu kveðju,

Guðrún

gjaldkeri

gsm 897 4884

 

 

Garpurinn komin á vefinn !!

Sælir Garpar,

loksins er komin síða fyrir Garp og er tilgangur síðunnar að vera upplýsingamiðill fyrir félaga í Íþróttafélaginu Garpi. 

Samkvæmt síðasta aðalfundi sem fram fór 20.02.2010 er stjórn Garps skipuð þannig:

Formaður: Jóhanna Hlöðversdóttir

Gjaldkeri: Guðrún Arnbjörg Óttarsdóttir

Ritari: Herdís Styrkársdóttir

Meðstj.: Margrét Harpa Jónsdóttir,  Karen Engilbertsdóttir sem fulltrúa iðkennda og Óðinn Burkni Helgason .  Þjálfarar hafa rétt til fundarsetu með málfrelsi og tillögurétt.

Með bestu kveðju,

Guðrún