Góðar Garpsfréttir

Garpur sendi 13 keppendur á HSK mót í borðtennis á Hvolsvelli föstudaginn 25. nóvember sl. Oft verið fleiri og nú vantaði inn í eldri hópinn en þetta gengur upp og niður. 

 

Krakkarnir stóðu sig vel að vanda og hér eru úrslit garpa:

 

Jana Lind Ellertsdóttir lenti í 4. sæti af 14 keppendum í flokki 12 ára og yngri.

 

Smári Valur Guðmarsson lenti í 1. sæti af 15 keppendum í sama flokki.

 

Í flokk 13-14 ára kepptu 10 keppendur og okkar strákar fjórir röðuðu sér í efstu fjögur sætin. 

 

1. sæti Elvar Kristinn Benediktsson

2. sæti Ómar Högni Guðmarsson

3-4 sæti Óttar Haraldsson

3-4 sæti Daníel Freyr Steinarsson

 

Í flokk 13-14 ára stúlkna kepptu 5 keppendur. 

 

Þar í 4. sæti lenti Guðbjörg Viðja Antonsdóttir. 

 

Við óskum þessum efnilegu görpum til hamingju með árangurinn og þökkum Guðna Sighvats góða fylgd á mótið:-)

Skákmaður/kona óskast!

Sveitakeppni HSK í skák er haldin þann 23. nóvember í Selinu á Selfossi kl 19:30.  

 

Óskað er eftir þáttakendum fyrir Garp á sveitakeppni HSK. Tefldar verði atskákir og skipa fjórir einstaklingar hverja sveit, óháð aldri eða kyni. Hugsanlega eru komnir 2-3 keppendur en það vantar einn.  Skráning er til 21. nóvember.  Áhugasamir skrái sig í athugasemdareitinn hérna fyrir neðan fyrir 21. nóvember.

Haustfréttir

Starfið hjá Garpinum er komið á fullt skrið þennan veturinn. Hér koma nokkrir fréttapunktar af starfinu það sem af er:

 

Körfuboltinn fer vel af stað í samstarfi við Heklu. Það eru á milli 15-20 á æfingu, þaraf á milli 5-8 frá okkur sem er mjög ánægjulegt. Stefnt er á tvö mót eftir áramót og jafnvel að fara fyrir áramót í æfingabúðir í Vík yfir helgi.

Nýjungin mánudagsfrjálsar með Guðrúnu Heiðu Bjarnadóttur ganga vel. Það eru yfirleitt frekar yngri sem koma. Allir hita upp saman og svo fara þau í séræfingar með Guðrúnu eða í borðtennis eða badminton með Guðna Sighvatssyni. Þau hafa aðeins verið að flakka á milli og það hefur gefist vel. Guðrún er með góðar æfingar og yngri stelpurnar eru með stjörnur í augunum.

 

Halli Gísli er sem fyrr með frjálsíþróttaæfingar á þriðjudagskvöldum. Stefnt er á að senda nokkra keppendur á Silfurleika ÍR um miðjan nóvember ef áhugi er fyrir hendi hjá börnum og foreldrum.

Breyting varð á fótboltanum. Yngri krakkar eru farin að næta meira. Nú mæta 5-6 galvaskir drengir úr fyrsta bekk, sem er hið besta mál. Salnum skipt í tvennt og eldri hinum megin svo enginn verði skotinn niður.

Glímumót fyrir skemmstu. Þangað fóru í kring um 6 keppendur og allir á pall. Glímukrakkar hjá Garpi standa sig gríðarlega vel og mikill áhugi.

Fimleikar hjá Maríu hafa gengið vel. Erum að fá eitthvað af ungum stelpum frá Hellu, jafnvel leikskólaaldri. Vonir eru um að geta með tímanum tækjavætt íþróttahúsið með tilliti til fimleikanna. Garpur hefur verið að bjóða uppá vel sóttar æfingar fyrir allt svæðið í þessari íþróttagrein.

Upplýsingar um Silfurleika ÍR 19. nóv.

Vakin er athygli á að keppendur komi sér sjálfir á staðinn með forráðamanni, skráning skal berast þjálfurum fyrir 14. nóvember, Garpur greiðir mótgjald fyrir þá sem vilja fara á mótið :-)  

SILFURLEIKAR ÍR

Laugardalshöllinni – Laugardaginn 19. nóvember 2011

Frjálsíþróttadeild ÍR heldur hina árlegu Silfurleika ÍR í flokkum 17 ára og yngri í Laugardalshöllinni laugardaginn 20. nóvember n.k.  Mótið er nefnt SILFURLEIKAR til að minnast afreks ÍR-ingsins Vilhjálms Einarssonar sem vann til silfurverðlauna í þrístökki á Ólympíuleikunum í Melbourn í Ástralíu árið 1956.  Silfurleikar ÍR er opið mót sem hefur átt miklum vinsældum að fagna undanfarin ár, sem dæmi um það voru þátttakendur í fyrra 543 talsins frá 24 félögum.

Keppnisflokkar, keppnisgreinar, keppnisfyrirkomulag og tímarammi

Tímaramminn sem hér er gefinn getur hnikast aðeins til þegar skráningar liggja fyrir. Drög að tímaseðli má finna á heimasíðu deildarinnar.

10 ára og yngri:

Fjölþraut í anda krakkafrjálsra verður fyrir 10 ára og yngri. 8 ára og yngri verða saman í hópum og 9 til 10 ára saman í hópum. Um er að ræða sitthvora þrautabrautina. Ítarlegar upplýsingar um fjölþrautina er að finna á heimasíðu deildarinnar á slóðinni: http://ir.is/Deildir/Frjalsar/UmFrjalsithrottadeildIR/Nefndirograd/Framkvaemdanefndmota/Thrautabraut/

Fjölþrautin  hefst kl. 9 og lýkur með verðlaunaafhendingu fyrir kl. 11.

11 ára

Keppnisgreinar: 60m, þrístökk, hástökk, kúluvarp, 600m.

Tímarammi: Kl: 9 -13

12 ára

Keppnisgreinar: 60m, þrístökk, hástökk, kúluvarp, 600m.

Tímarammi: Kl:11:30 – 15:30

13 ára

Keppnisgreinar: 60m, 60m grindahlaup, 200m, 600m, þrístökk, hástökk og kúluvarp.

Tímarammi: Kl: 11:30 - 17:00

14 ára

Keppnisgreinar: 60m, 60m grindahlaup, 200m, 800m, þrístökk, hástökk og kúluvarp.

Tímarammi: Kl: 11:30 - 18:00

15 ára

Keppnisgreinar: 60m, 60m grindahlaup, 200m, 800m, þrístökk, hástökk og kúluvarp.

Tímarammi: Kl: 13:00 - 18:00

16 - 17 ára

Keppnisgreinar: 60m, 60m grindahlaup, 200m, 800m, þrístökk, hástökk og kúluvarp.

Tímarammi: Kl: 13:30 - 18:30

Vinsamlega athugið eftirfarandi vel:

Hástökk

Vegna mikillar þátttöku undanfarin ár hefur verið ákveðið að ef stökkhópar eru fjölmennari en 28 í hástökki verður skipt upp í tvo stökkhópa. Byrjendur (hópur B) og þeir sem lengra eru komnir (hópur L). Það er því mjög mikilvægt að þjálfarar skrái inn árangur í mótaforritið um leið og keppendur eru skráðir til leiks.

Byrjunarhæðir verða sem hér segir:

B                                    L

Piltar                11 ára 0,90 m                           1,10 m

Stúlkur             11 ára 0,90 m                           1,10 m

Piltar                12 ára 1,00 m                           1,15 m

Stúlkur             12 ára 1,00 m                           1,15 m

Stúlkur             13 ára 1,10 m

Piltar                13 ára 1,10 m

Stúlkur             14 ára 1,15 m

Piltar                14 ára 1,25 m

Stúlkur             15 og eldri ára 1,25 m

Piltar                15 og eldri ára 1,40 m

Kúluvarp

Í kúluvarpi 11 ára verður fyrirkomulagið þannig að allir fá þrjár tilraunir. Hver og einn kastar þrisvar í röð og aðeins lengsta kast er mælt.

Í flokkum 12, 13 og14 ára eru þrjár tilraunir á mann.

Í flokki 15 og 16 - 17 ára eru þrjár tilraunir á mann og 8 bestu fara áfram í úrslit og fá þrjú köst í úrslitum.

Hlaup

Í öllum hlaupum gilda bestu tímar. Ekki er um að ræða úrslitahlaup. Mikilvægt er að þjálfarar gefi upp bestu tíma hlauparanna þannig að hægt sé að raða í riðla eftir tímum. Þetta er sérlega mikilvægt í eldri aldurshópum í 200m hlaupinu.

Þrístökk

Í aldursflokkum 11, 12 og13 ára eru þrjár tilraunir á mann.

Hjá 14 ára eru fjórar tilraunir á mann

Hjá 15 og 16 - 17ára eru þrjár tilraunir á mann og 8 bestu fara í úrslit og fá þrjú stökk í úrslitum.

Tímaseðill

Keppni hefst kl. 09:00 og mótslok eru áætluð laust fyrir kl. 18:30 

Drög að  tímaseðli eru á slóðinni: http://ir.is/Deildir/Frjalsar/FrjalsithrottavidburdirIR/SilfurleikarIR/ Endanlegur tímaseðill verður settur á netið og sendur út eftir að skráningu lýkur í síðast lagi kl. 18:00 föstudaginn 18. nóvember.

Verðlaun

10 ára og yngri:             Allir fá verðlaunapening fyrir þátttöku. 

11 - 16 ára:                    Verðlaunapeningar fyrir fyrstu þrjú sætin í hverri grein.

Skráning                  

Skráningar berist í gegnum mótaforrit FRÍ (www.fri.is) eigi síðar en þriðjudagskvöldið 15. nóvember. Senda þarf upplýsingar um liðsstjóra í þrautabraut og þau félög sem eru með fleiri en 12 keppendur í hóp í þrautabraut þurfa að senda hópaskiptingu á netfangið [e-mail] ásamt upplýsingum um nafn liðsstjóra.

Skráningar eftir að skráningarfrestur rennur út þarf að senda í tölvupósti á undirritaða og skráningargjaldið tvöfaldast.

Þátttökugjald

2500 kr pr mann. Tvöfalt skránngargjald ef keppandi er skráður eftir að skráningarfrestur er liðinn.

Þátttökugjöld greiðast inn á reikning Frjálsíþróttadeildar ÍR: 0115-26-14004

Kt. 421288-2599. Kvittun sendist á [e-mail]. 

Óskað er eftir að hvert félag geri upp í einni heild fyrir keppendur sína.

Nánari upplýsingar          

Nánari upplýsingar um mótið er finna inn á heimasíðu deildarinnar www.ir.is/frjalsar  eða hjá

Margréti Héðinsdóttur, 8212172 – [e-mail]

                                                                      

F.h. Frjálsíþróttadeildar ÍR

Margrét Héðinsdóttir formaður

Glímugarpar standa sig vel :-)

Meistaramót 15 ára og yngri í glímu:

Meistaramót 15 ára og yngri í glímu var haldið á Hvolsvelli sl. laugardag. HSK sendi öflugt lið til leiks sem vann stigakeppni þátttökuliða með yfirburðum. Fjöldi keppenda frá sambandinu vann til verðlauna  og er þeirra getið hér að neðan.  Heildarúrslit mótsins má sjá á www.glima.is

Verlaunahafar HSK:

Stúlkur  10 ára  

1. Sigurlín Arnarsdóttir               

3. Rósa Kristín Jóhannesdóttir

Stúlkur  11 ára, stærri                     

2. Bóel Rún Jónsdóttir

3.-4. Rakel Sara Hjaltadóttir

Stúlkur  11 ára, minni         

2. Jana Lind Ellertsdóttir

3. Sigríður Magnea Kjartansdóttir

Stúlkur  12 ára                                 

1. Sif Jónsdóttir

2. Belinda Margrét Birkisdóttir

Stúlkur  13 ára                                 

1.-2. Sóley Erna Sigurgeirsdóttir

1.-2. Hanna Kristín Ólafsdóttir

Stúlkur  14 ára                                 

1. Guðrún Inga Helgadóttir

2. Kristín Lilja Sigurjónsdóttir

3. Raquel Sofia Jónasdóttir

Stúlkur  15 ára                                 

2.Vilborg Rún Guðmundsdóttir

Strákar  10 ára                                                 

1. Sindri Ingvarsson

2. Sölvi Freyr Jónasson

3. Sölvi Svavarsson

Strákar  11 ára, stærri                     

1. Smári Guðnason

Strákar  11 ára, minni         

3. Guðni Steinarr Guðjónsson

Strákar  12 ára                                

1. Eiður Helgi Benediktsson

3. Sæmundur Arnarson

Strákar  13 ára                                           

2. Þorgils Kári Sigurðsson

3. Egill Björn Guðmundsson

Garpar eru efnilegir :-)  Til hamingju!

Kvennalið Garps í 2. sæti

Þessar vösku konur keppa undir merkjum Garps og urðu í 2. sæti á blakmóti sem haldið var á Hvolsvelli þann 24.10.2011. Við óskum þeim innilega til hamingju með árangurinn.